Ҳомиладор аёлнинг ҳали туғилмаган эгизаклари аллақачон бир-бири билан она қорнидаёқ муштлашишга тушиб кетибди… (ВИДЕО)
Хитойдаги Иньчуан округи туғруқхонаси врачлари ҳомиладор аёлни ультратовушли тиббий кўрикдан ўтказаётиб, ажойиб ва ҳайратланарли манзарага гувоҳ бўлишди. Аёл қиз эгизаклар кутаётган экан. Видеоёзувда эса ҳали дунёга келмай туриб икки эгизак қизлар бир-бири билан муштлашишни бошлаб юборгани тасвирланганди. Ваҳоланки, бу видеомонтаж ҳам эмас, росмана УЗИ ускунаси орқали намойиш этилган.
Эгизак қизларнинг ота-онаси бу манзарани кўргач, хавотирга тушиб қолишганди. Лекин мутахассислар уларни тинчлантиришди. Бу муштлашувнинг гўдакларга зиёни йўқлигини таъкидлашди. Ҳақиқатан, шу аёл ўтган ҳафтада икки соғлом эгизак қизчаларни дунёга келтирди. Эгизакларнинг ота-онаси азбаройи ҳайратга тушганидан видеороликни Интернетга жойлаштиришга қарор қилишди.