АПЛ. Дербида Гвардиола шогирдлари зафар қучиб, чемпионат пешқадамлигига қайтди. МЮ эса қаторисига 3-ўйинда гол ура олмай мағлуб бўлди
Англия чемпионатининг 31-тур қолдирилган учрашуви доирасида «Манчестер Юнайтед» клуби «Олд Траффорд» стадионида ҳамшаҳарлари «Манчестер Сити»ни қабул қилди. Ушбу ўйиннинг биринчи бўлимида ҳисоб очилмади. Иккинчи таймда эса аввалига 54-дақиқада Бернардо Силва ҳисобни очди. Кейин эса 66-дақиқада Лерой Сане жамоадоши Раҳим Стерлингнинг пасидан кейин ҳисобни оширди. Мазкур ҳисоб ўйин охиригача ўзгармади. Шу тариқа, Гвардиола шогирдлари очколари сонини 89тага етказиб, чемпионат пешқадамлигига қайтди.
«Манчестер Юнайтед» – «Манчестер Сити» 0:2
Голлар: 0:1 – 54 Бернарду Силва, 0:2 – 66 Сане.
«Манчестер Юнайтед» – Де Хеа, Линделеф, Смоллинг, Дармиан (Санчес, 83), Шоу, Перейра (Лукаку, 72), Погба, Лингард (Марсьяль, 83), Фред, Янг, Рэшфорд.
«Манчестер Сити» – Эдерсон, Компани, Лапорт, Уокер, Зинченко, Гюндоган (Данило, 89), Фернандиньо (Сане, 51), Бернарду Силва, Сильва, Стерлинг, Агуэро (Габриэл Жезус, 89).
Огоҳлантиришлар: Компани (10), Перейра (24), Зинченко (26), Шоу (89).