ДУНЁНИНГ ЭНГ КЎП БОЛАЛИ АЁЛИ…
Бунақаси ҳаётда бўлмайди деганлар адашади. Бўларкан. Ўша аёл Угандада яшайди. Исми Мариам Набатанзи. Мариам бир эмас, ўн эмас, балки 38 нафар фарзандни дунёга келтирган ва уларни ёлғиз ўзи вояга етказмоқда.
Тўғри, 38 бола билан битта уйда яшаб бўлмайди. Шунинг учун бу оила бетон блоклардан қурилган тўртта уйга бўлинган. Мариам болаларининг барчасини ёлғиз ўзи, эрининг ёрдамисиз ўстирмоқда. Айтишларича, эри ташлаб кетган экан. Аёл кофе плантациясининг шундоқ ёнбошида яшайди. Ажабланарлиси, болаларининг ҳаммаси эгизаклар экан.
— Мен илк бор 13 ёшимда икки эгизакни дунёга келтирганман, — дейди Мариам. — Кейин беш марта уч эгизак, кетидан тўрт марта уч эгизак, сўнгра уч марта уч эгизакдан. Кўрибсизки, ҳаш-паш дегунча орадан 25 йил ўтиб кетди. Болаларнинг сони эса 38 нафарга етди. Ҳозир илк бор туғилган эгизаклар улғайиб онасига ёрдамчи бўлган. Худо бераман деса шу экан-да! Офарин!