«Олд Траффорд»да Англия Премьер-Лигаси 36-турининг охирги ўйини бўлиб ўтди. Ўз майдонида Лондоннинг «Челси» клубини қабул қилган «МЮ» 1:1 ҳисобида дуранг ўйнаб, Чемпионлар Лигасига йўлланма берадиган «кучли тўртлик»га кириш учун имкониятларини пасайтириб юборди. Ҳар икки жамоа сафида испаниялик футболчилар гол уришди. 11-дақиқада Хуан Мата манчестерликларни ҳисобда олдинга олиб чиққан бўлса, 43-дақиқада Давид Де Хеанинг хатосидан фойдаланган Маркус Алонсо мувозанатни тиклади. Бу дурангдан сўнг «Челси» околари сонини 68 тага етказиб, 4-ўринда қолди. «МЮ» 65 очко билан 6-ўринда қолди ва бугун «Лестер»га ютқазган «Арсенал»ни қувиб ўтиш имкониятидан фойдалана олмади. Сульшер жамоаси бугун каттароқ ҳисобда ғалаба қозонса, «Челси»ни ортда қолдириб, 4-ўринга кўтарилиши ҳам мумкин эди. Манчестер Юнайтед – Челси 1:1 Голы: Мата (11) – Алонсо (43). Манчестер Юнайтед: Де Хеа, Линделёф, Байи (Рохо, 71), Янг, Шоу, Погба, Матич, Мата (Мактоминай, 81), Эррера, Рэшфорд (Санчес, 65), Лукаку. Челси: Аррисабалага, Давид Луиз, Алонсо, Рюдигер (Кристенсен, 65), Аспиликуэта, Канте, Ковачич (Лофтус-Чик, 76), Азар, Жоржиньо, Виллиан (Педро, 84), Игуаин. Огоҳлантиришлар: Эррера (43), Виллиан (52), Ковачич (53), Рохо (80).
