ТУРКИЯ ПРЕЗИДЕНТИ ПУТИН БИЛАН УЧРАШИШГА ОШИҚМОҚДА…
Кремль икки давлат учрашувини ташкил этиш ҳаракатига тушган. Шу ҳақда Россия президенти матбуот котиби Дмитрий Песков хабар тарқатган. Котибнинг айтишича, учрашув шу йил 5 ёки 6 март куни Москвада бўлиб ўтади.
Эрдўған Путин билан шахсан учрашиши ҳақида телефон орқали Сурия масаласида кечган суҳбатдан сўнг айтиб ўтганди.
Дарвоқе, 5 март куни Истамбулда Франция президенти Эммануэль Макрон, Германия канцлери Ангела Меркель ва Туркия президенти Ражап Тойип Эрдўғанлар иштирокида саммит бўлиб ўтади. Туркия раҳбари бу саммитда Путин ҳам иштирок этишини таъкидлаганди. Бироқ Россия тарафи бу хабарни қатъиян рад этди ва Владимир Путиннинг режасида саммитда иштирок этиш масаласи йўқлигини баён қилди.