Америкада ноёб лимузин-самолёт аукционга қўйилди (фото, видео)
Фото: Mecum Auctions Mecum Auctions аукцион уйи ўз турида ягона бўлган — автомобиль ғилдиракларига эга V8 бензин двигателли Limo-Jet’ни кимошди савдосига қўйди. Мазкур машина учмайди, бироқ унинг эгаси кўчалар бўйлаб бемалол ҳаракатланиши мумкин. 13 метрли автомобилни самолёт кўринишига келтириш учун 12 йил вақт сарфланган. Машинага 400 от кучига эга 8,1 литрли GM мотори ҳамда 28 дюймли ғилдираклар ўрнатилган. Салон ичидан 42 дюймли дисплай, чарм ўриндиқлар, 17 киловаттли акустик тизим ўрин олган. Йўловчиларни чиқариш ва тушириш йиғма трап ёрдамида амалга оширилади. Фото: Mecum Auctions Лимузин-самолёт жамланмасига уни ташишга мўлжаллаган тиркамали Chevrolet 2500 HD пикапи ҳам қўшиб берилади. Умуман олганда Limo-Jet йўлларда бемалол ҳаракатлана олади — у керакли барча ҳужжат ва сертификатларга эга. Фото: Mecum Auctions Ҳозирда лимузин Фрэнк Де Анжело ва Михаил Кашеватский томонидан асос солинган Jettersetter Inc. компаниясига тегишли. 2020 йилда бўлиб ўтадиган савдолар вақтида лимузиннинг бошланғич нархи 5 миллион долларни ташкил этади. Фото: Mecum Auctions Фото: Mecum Auctions Фото: Mecum Auctions Фото: Mecum Auctions Фото: Mecum Auctions Фото: Mecum Auctions Фото: Mecum Auctions Фото: Mecum Auctions