Кения полициячилари комендант соати талабини бузгани учун 13 ёшли ўсмирни отиб ўлдиришди…
Айтишларича, куни кеча Кенияда яшовчи 13 ёшли Ясин Мойо исмли ўсмир ўзи яшайдиган уй балконида тахминан 20 дақиқача ўйнаб қолиб кетган. Шу ҳаракати билан у коронавирус кенг тарқалишига қарши жорий этилган комендант соати талабларини қўпол равишда бузган. Полициячилар отган ўқ боланинг қорин қисмига теккан. Уни дарҳол касалхонага олиб боришди. Афсуски, врачлар қанча ҳаракат қилишмасин, ўсмирнинг ҳаётини сақлаб қола олишмади.
Кения прокуратураси раҳбарларининг гапига қараганда, полициячилар билмасдан тасодифан ўсмирга ўқ узишибди. Аммо барибир тергов ҳаракатлари бошланган.
Кенияда ҳозир коронавирусга чалинганлар сони 81 нафарни ташкил этмоқда.