АВСТРАЛИЯЛИК МЭР КАРАНТИН ТАЛАБИНИ БУЗГАНИ УЧУН ЖАРИМАГА ТОРТИЛДИ…
Австралиянинг Уоррнамбул шаҳар мэри Тони Херберт коронавирус муносабати билан жорий этилган карантин талабларини бузганликда айбланиб, жаримага тортилди. Айтишларича, шу йил 7 апрел куни ёнида уч оғайниси билан катта кўчада пиво ичган ҳолда кетаётганда қўлга тушган.
Ажабланарлиси, Мэр ўша куни маҳаллий телеканаллардан бирига таклиф этилган. Кўрсатув орқали унинг ўзи шаҳар аҳлига мурожаат этиб, барчани карантин талабларига риоя этишга чақирган. Аммо кўрсатув тугагач, уйига қайтиш асносида ошналари билан катта кўчада пиво ичишга аҳд қилган. Хўш, буни қандай тушунса бўлади? Ё “домланинг айтганини қил, аммо қилганини қилма” деганлари шумикан?…
Мэр қанча миқдордаги жаримага тортилгани ҳақида маълумот тарқатилмаган.