ҚОЗОҒИСТОНДА СПОРТЧИ ЭРКАК ЎЙНАШИНИНГ ҚИЗИНИ УРИБ ЎЛДИРАЁЗДИ…
Қозоғистоннинг Нур-Султон шаҳрида яшовчи 46 ёшли спортчи эркак ўзи учрашиб юрадиган ўйнашининг 4 яшар қизини шафқатсизларча калтаклади. Қизалоқ калтаклар зарбидан сал қурса ўлаёзди. Кейинчалик қизалоқнинг ўзи айтиб берди. Эркак уни таёқ, қўл ва оёқлари ёрдамида ўласи қилиб калтаклабди. Баҳона битта. Қизча унинг айтганини қилмаганмиш. Бўйин эгишни хоҳламаганмиш.
Қизалоқнинг онаси Виктория айтдики, бу эркак билан ярим йилдан бери учрашиб келган. Улар никоҳдан ҳам ўтишни мўлжаллашган экан. Эркак ҳадеганда қизчани йўқотишни талаб қилаверган. Ҳатто, агар айтгани бўлмаса, таниш-билишлар ёрдамида Викторияни қаматиб юборишга-да сўз берган.
Ҳозирда ушбу факт юзасидан жиноий иш қўзғатилган. Тергов материалларида таъкидланишича, эркак 1974 йилда таваллуд топган. Айни пайт СИЗО га жойлаштирилган. Агар айби исботланса, етти йилгача бўлган муддатга қамалиши мумкин.