Ўзбекистонда бир кун ичида COVID-19 билан касалланганлар сони 79 нафарга ошди
Янги касалланганларнинг 70 нафари хориждан келиб, карантинга олинган фуқаролардир, 9 нафари эса аҳоли орасидан аниқланган.
Соғлиқни сақлаш вазирлигининг хабарига кўра, коронавирус инфекцияси яна 26 нафар фуқарода аниқланган.
25 нафари карантин марказига жойлаштирилган фуқаролар орасидан ва 1 нафар Қозоғистондан кириб келган халқаро юк ташувчи автомашина ҳайдовчисида аниқланди. Жумладан, карантинда бўлганларнинг 22 нафари чет элдан келган, 3 нафари эса касалликни беморлар билан мулоқот орқали юқтирган.
23 май соат 22:30 ҳолатига кўра, Ўзбекистонда коронавирус инфекцияси қайд этилганлар сони 3115 нафарни ташкил қилмоқда.