ҲИНДИСТОНДАГИ КЎЛЛАРДАН БИРИНИНГ СУВИ ПУШТИ РАНГГА КИРДИ…
Ҳиндистоннинг Махараштра штатида жойлашган «Лонар» кўлининг суви кутилмаганда пушти рангга кирди. Ниҳоятда қисқа фурсатда кўл бўйига олимлар жалб этилди. Уларнинг дастлабки тахминлари шуки, сув таркибида туз миқдори ошиши ёки сув ўтлари таъсирида пушти рангга кирган бўлиши мумкин. Айни пайтда кўл суви бир нечта лабораторияларга жўнатилган. Натижалар чиққандан кейингина хулоса қилишади.
«Лонар» кўли Мўмбайдан 500 километр шарқда жойлашган. Кўл бундан 50 000 йил олдин ўша жойга метеорит келиб тушиши оқибатида пайдо бўлган экан.