Бугун 121 нафар бемор коронавирусдан тузалиб чиқди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Соғлиқни сақлаш вазирлиги Тошкент ва Андижонда яна 58 нафар бемор коронавирусдан тузалгани ва шу кунгача Ўзбекистонда касалликдан фориғ бўлганлар сони 3758 нафарга етгани тўғрисида маълумот берди. «Шу соатларда пойтахтимиздаги Тошкент тиббиёт академиясининг кўп тармоқли клиникасида яна 57 нафар, Андижон вилоятида эса 1 нафар, жами 58 нафар коронавирус инфекциясига чалинган бемор соғайди», дейилади хабарда. Эндиликда Тошкент шаҳрида коронавирус инфекциясидан соғайганлар сони 1790 нафарга етди. Андижон вилоятида тузалганлар эса 178 нафарни ташкил қилмоқда, вилоят шифохонасида 3 нафар бемор қолмоқда. Бундан олдинроқ Тошкентда 63 нафар бемор коронавирусдан тузалгани хабар қилинганди. Шундай қилиб, бугун 121 нафар бемор тузалиб, мамлакат бўйлаб коронавирус инфекциясидан соғайганлар сони 3758 нафарни ташкил этмоқда. Шифохоналарда 1060 нафар бемор даволанмоқда, улардан 12 нафари оғир, 2 нафари эса ўта оғир аҳволда.