Ўзбекистонда коронавирус инфекцияси билан касалланганлар сони 9700 дан ошди
Бир кун мобайнида юртимизда COVID-19 инфекцияси бўйича 312 та ҳолатда касаллик қайд этилди, беморлардан 142 нафари фуқаролар орасида аниқланган.
4 июль соат 23:30 ҳолатига кўра, Ўзбекистонда коронавирус инфекцияси қайд этилганлар сони 9708 (+97) нафарни ташкил этмоқда.
Соғлиқни сақлаш вазирлигининг хабарига кўра, бугун мамлакатимизда касаллик қайд этилган 312 та ҳолатдан 162 таси Карантин муассасаларида, 142 таси аҳоли орасида (беморларнинг 105 нафари Тошкент шаҳрида, 36 нафари Тошкент вилоятида, 1 нафари Бухоро вилоятида), қолган 8 таси эса халқаро юк ташувчи автомашина ҳайдовчилари орасида аниқланган.
Ҳозирда касаллик қайд этилган жами 9708 нафар бемордан 6425 нафари соғайиб, даволаниш кўрсаткичи 66 фоизни ташкил этмоқда.
Айни пайтда тиббиёт муассасаларида даволанаётган 3252 нафар бемордан 15 нафари оғир, 9 нафари эса ўта оғир аҳволда.