Ўзбекистонда янги антирекорд ўрнатилди. Касалланганлар сони 13,5 мингдан ошди
Бугун касалланганларнинг ярмидан кўпи аҳоли орасида аниқланди.
Бугун мамлакатимизда жами 594 ҳолатда касаллик қайд этилди. Шундан 272 нафари карантин муассасаларида, 322 нафари аҳоли орасида аниқланган.
Шу билан бирга, бугун 3 нафар коронавирусга чалинган бемор вафот этди.
Бугун Тошкент шаҳри ва Наманган вилоятидаги тиббиёт муассасаларида 178 нафар фуқаро соғайди.
Ҳозирда касаллик қайд этилган жами 13591 нафар бемордан 8030 нафари соғайиб, даволаниш кўрсаткичи 59 фоизни ташкил этмоқда.
Эслатиб ўтамиз, Республика махсус комиссиясининг қарори билан бугундан бошлаб 1 августгача қўшимча равишда бир қатор карантин чекловлари киритилди.