Бугун дунёдаги энг кекса аёл туғилган кунини нишонламоқда
Дунёдаги энг кекса аёл 119 ёшда. Япониялик аёл Кейн Танака 2005 йилдан бери Фукуока префектурасидаги қариялар уйида яшайди.
Коронавирус чекловлари унинг қариндошлари билан учрашишига имкон бермасада, лекин у зерикмайди, эрта уйғонади, ширинликлар истеъмол қилади, стол ўйинларини ўйнайди.
Кейн Танака 1903 йил 2 январда туғилган, Иккинчи жаҳон уруши пайтида у эри ва тўнғич ўғлидан айрилган. Бутун умри давомида япониялик аёл урушдан олдин очилган дўконда ишлаган. У ерда гуруч пишириқлари сотган ва ўтган асрнинг 70-йилларида нафақага чиққанидан кейин, у бир неча бор Америкага ташриф буюрган. Кейн Танака 103 ёшида саратон ўсимтасини олиб ташлади ва шундан бери аёлда жиддий касалликлар аниқланмади.
ntvnews