Саудия Арабистонида қор ёғди (фото, видео) — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: SPA Саудия Арабистони шимолидаги Тобук тоғларида қор ёғди. Қорнинг суратларини маҳаллий аҳоли вакиллари ижтимоий тармоқлардаги саҳифаларига жойламоқда. Мамлакатда 2018 йилдан буён бунақа кўп қор ёғмаган. Саудияда кўп кузатилмайдиган воқеани кузатиш учун кўплаб сайёҳлар ташриф буюрган. Ҳатто Қатардан қорни суратга олгани боришган. Тобукда деярли ҳар йили қор ёғади ва одамлар уни томоша қилгани олис ҳудудлардан ташриф буюради. Бу йил ковид чекловлари сабаб томошабинлар кам бўлган. Қатарлик сайёҳлардан бирининг айтишича, танишларига Саудияда ёғган қорнинг суратларини юборганда, улар ишонишмаган. Шу кунларда Саудияда ҳаво харорати 0 даражага етган ва яна пастлаши кутиляпти. Миллий метеорология хизмати хабарига кўра, мамлакатнинг бошқа ҳудудлари, хусусан, Мадинада ҳам қор ёғиши мумкин. Фото: SPA Фото: SPA Фото: SPA Фото: SPA Фото: SPA Фото: SPA Фото: SPA Фото: SPA