Фанатлар Мессига коронавирусни юқтирган «айбдор»ни топишди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: «Soccernews» Лионел Месси коронавирусга чалинганини ёзгандик. Фанатлар эса «айбдор»ни тезда топишди. Айтишларича, бу — дижей Фер Паласио. Улар Рождество таътиллари пайти Росариодаги клубда ўзаро мулоқотда бўлишган. Шу боисдан Месси касалланганини эшитган фанатлар Паласиони тинч қўйишмаяпти, унга таҳдидлар бўлмоқда. ФОТО: INSTAGRAM «Унга касалликни мен юқтирган эмишман. Ҳатто қотил дейишгача боришди. Шахсий хабарлар орасида салбийлари жуда кўп. Уругвайга кетишим учун кеча тест топширгандим, менда ҳеч қандай коронавирус топилмади», — твиттерда шу гапларни ёзган Фер Паласио ПЗР-тести манфий чиққан суратни ҳам илова қилди. Аргентиналик футбол юлдузи ковидни юқтиргани 2 январь санасида маълум бўлганди. Ундан ташқари, «Пари Сен-Жермен»нинг яна уч футболчиси — Хуан Бернат, Серхио Рико ва Натан Битюмазал топширган тестлар ҳам мусбат чиққан. Дарвоқе, «RMC Sport» ёзишича, касаллиги аниқланганидан сўнг ўзини яккалаган Месси ҳозирда ўзини яхши ҳис этяпти, ковид симптомлари уни безовта қилаётгани йўқ. У Парижга зудлик билан учиш учун навбатдаги ковид-тести манфий чиқишини кутяпти.