Тўхтатиш учун қурол қўлланган “Малибу” ҳайдовчиси: “Ичиб, ‘вообще дупел’ бўлиб қолибман” — Бизга қўшилинг: ???? https://t.me/joinchat/AAAAADwt0NGCRoONT4f1_Q
7 январ куни Тошкентда ички ишлар ходимлари йўл қоидаларини қўпол бузган “Малибу”ни тўхтатиш учун қурол қўллашига тўғри келганди. Ҳайдовчи А.А. UzReport TV'га берган интервюсида воқеадан олдин 4 кун Билдирсойда дам олиб, ароқ ва пиво ичиб, “ўчиб қолгани”ни айтди. Маълум бўлишича, муқаддам бу ҳайдовчига нисбатан айнан транспорт бошқаруви бўйича икки марта жиноят иши очилган. У 2021 йилнинг ўзида йўл қоидаларини бузгани учун камида 7 марта жаримага тортилган. А.А.га нисбатан ўша куннинг ўзида Юнусобод туман прокуратураси томонидан жиноят иши очилган. Жиноят кодексининг 219-моддаси (Ҳокимият вакилига ёки фуқаровий бурчини бажараётган шахсга қаршилик кўрсатиш) асосида очилган иш бўйича тергов кетмоқда. Унга 50 БҲМ (13,5 млн сўм)дан 3 йиллик қамоққача бўлган жазолар тайинланиши мумкин.