Samsung Galaxy S22, S22+ ва S22 Ultra тақдим этилди (видео) — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: «iXBT.com» «Samsung» компанияси Galaxy S туркумига кирувчи янги смартфонларини тақдим этди: Galaxy S22, Galaxy S22+ ва Galaxy S22 Ultra. Galaxy S22 ва S22+ да олдинги дизайн сақлаб қолинди, бироқ озроқ ўзгаришлар бор. Масалан, дисплейлар дюймнинг ўндан бир қисмига кичрайган — тегишли равишда 6,1 ва 6,6 дюйм. Бу смартфонлар сал ихчамлашган ва енгиллашган. Асосий модел — S22 да ўтган йили танқидга сабаб бўлган пластик орт қопқоқдан воз кечилиб, корпусни бутунлай тобланган ойна — Gorilla Glass Victus+ эгаллади. Ultra флагманининг ташқи кўриниши жиддий ўзгарди — бўртиб чиққан камера модули энди корпус билан бир текис. Бу туркумдаги энг катта ва оғир смартфон айнан ултра, 228 грамм, албатта, кўпчиликка ҳам хуш келмаса керак. Муҳим янгиликлардан бири — «унутилган» Note туркумидан кўчиб ўтган S Pen стилуси учун корпусида жой ажратилган. Ҳар бир S22 намликдан ҳимояловчи IP68 технологиясига эга. Фото: «iXBT.com» Асосий камера модуллари: Ўта кенг бурчакли — 12 Мп Кенг бурчакли — 108 Мп Телефото — 10 Мп Телефото — 10 Мп Фронтал камера — 40 Мп. Барча смартфонларда ўта ёрқин Dynamic AMOLED 2X дисплейлар ўрнатилган, уларда матрицани герцлашни 120 Гц.гача созласа бўлади. Экрани энг зўри — Samsung Galaxy S22 Ultra (3088 x 1440 пиксел). Galaxy S22 ва S22+ да оператив 8 ГБ, доимий 128/256 ГБ хотира кўзда тутилган. Ultra да бу кўрсаткич — 8/128, 12/256 ва 12/512 ГБ.