Бельгия 4 кунлик иш ҳафтасига ўтди
Бельгияда ҳукумат меҳнат ислоҳоти бўйича келишиб олди. Ходимлар 4 кунлик иш ҳафтасини танлашлари мумкин бўлади. Бу ҳақда Le Soir нашри хабар бермоқда.
Лойиҳа иш тартиби, малака ошириш, иш ўринларини алмаштириш, шунингдек, рақамли иқтисодиёт масалалари каби соҳаларни қамраб олади.
Ислоҳот ходимларнинг 4 кунлик иш ҳафтасини танлаши ва уч кун дам олиш билан кўпроқ соат ишлашини таъминлайди. Шу билан бирга, ҳафталик иш соатларининг умумий сони ҳам 5 кунлик, ҳам 4 кунлик жадваллар учун бир хил бўлиши керак.
Бундан ташқари, узоқроқ ва қисқароқ иш ҳафтасини ўзгартириш имкониятини қонунийлаштириш режалаштирилмоқда.
20 дан ортиқ ходимга эга компаниялар уларга мунтазам равишда ўқитиш имкониятларини таклиф қилишни мажбурий қилишни хоҳлашади.
Бош вазир Александр де Крунинг сўзларига кўра, ислоҳот қонунчиликни замонавий воқеликлар ва сўнгги ўзгаришларга, жумладан, коронавирус пандемияси натижасида юзага келган ўзгаришларга мослаштириши керак.