Адолат тикланди! Шер Мамазулуновнинг мағлубияти бекор қилинди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Хабарингиз бор, Екатеринбург шаҳрида RCC промоушени томонидан ўтказилган профессионал кикбоксинг бўйича "Fair Fight" турнирининг марказий жангида ҳамюртимиз Шер Мамазулунов ҳамда россиялик Сергей Пономарёв вақтинчалик чемпионлик камари учун рингга кўтарилган ва жангда катта устунликка эришган ҳамюртимиз якунда ҳакамларнинг шубҳали қарори эвазига мағлуб дея топилганди. Ушбу воқелик жуда катта шов-шувларга сабаб бўлди. Охир-оқибат турнир ташкилотчилари ушбу жангга ўз муносабатини билдириб, жангни бекор қилди ва ушбу қарама-қаршиликда ишлаган ҳакамлар четлатилди. Бу борада Шер Мамазулуновнинг менежери ҳамда фитнес мураббийи Сардор Сулаймонов қуйидагича маълумот берди. - Ҳа, жанг бекор қилинди ва реванш жанги ўтказиладиган бўлди. Жангга тикилган чемпионлик камари ҳам ҳозирча вакант қолди. Албатта, бу борада бизни қўллаб-қувватлаганларнинг барчасига ўз миннатдорчилигимизни билдириб қоламиз.