Бўстонлиқда 8 нафар алимент тўловчиларга жазо қўлланилди — Бизга қўшилинг: ???? https://t.me/joinchat/AAAAADwt0NGCRoONT4f1_Q
“Алимент ундируви ойлиги” доирасида Бюронинг Тошкент вилояти бошқармаси ходимлари томонидан алимент қарздорликларини тўлиқ ундириш, томонларни яраштириш, ишга жойлаштириш, алиментдан қасддан бўйин товлаган шахсларга нисбатан қатъий жавобгарлик чораларини кўриш давом этмоқда. Жумладан, Бюронинг Бўстонлиқ туман бўлими иш юритувида бўлган суд ҳужжатларига асосан алимент қарздорлигини 3 ойдан ортиқ вақт мобайнида тўламай ёки тўлашдан бўйин товлаган 8 нафар шахсга нисбатан расмийлаштирилган ҳужжатлар ЖИБ Бўстонлиқ туман судига юборилган. Сайёр суд давомида қарздор Р.Ходиев 29,9 млн сўмлик, қарздор О.Гулямов 10,9 млн сўмлик алиментларни тўламагани учун уларга 15 сутка маъмурий қамоқ жазоси тайинланди. Шу билан бирга, бўлим иш юритувидаги қолдиқдаги алимент ундириш билан боғлиқ ижро ҳужжатлари бўлим томонидан алоҳида назоратга олинган бўлиб, мажбурий ижро ҳаракатлари белгиланган тартибди давом эттирилиб ижросини таъминлаш чоралари кўрилмоқда.