Карлуш Кейруш Миср терма жамоаси бош мураббийлигидан кетди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Миср терма жамоаси бош мураббийи Кайруш Кейрушни ўз лавозимини тарк этишини эълон қилди. Миср ЖЧ—2022 саралаш босқичида Сенегалга имкониятни бой берганидан сўнг, мундиал йўлланмасидан маҳрум бўлди. - Орзу амалга ошмади. Биз қўлимиздан келган барча нарсани қилишга уриндик, аммо бу етарли бўлмади. Терма жамоа мураббийи бўлиб ишлаш шарафига муносиб кўргани учун Миср футбол ассоциациясига миннатдорчилик билдираман. Барча футболчилар ва ходимларга раҳмат. Сиз менинг қалбимда абадий қоласиз. Бундай фидойи ва қобилиятли мутахассислар, ажойиб дўстлар билан ишлаш, улардан ёрдам олиш мен учун шараф. Сизларсиз ҳаётимда ҳеч нарса содир бўлмасди. Сизлар билан фахрланаман, дўстлар. Мисрлик мухлисларга энг яхши тилакларим ва миннатдорчилигимни билдираман, - деди Карлуш Кейруш. Кейруш 2021 йил сентябрь ойидан буён Миср терма жамоасини бошқариб келаётган эди. Мутахассис қўл остида жамоа Африка Кубоги финалига қадар етиб борган ва Сенегалга мағлуб бўлганди. Кейруш мураббийлик фаолияти давомида Мисрдан ташқари Эрон, Колумбия, ЖАР, БАА ҳамда Португалия каби терма жамоаларда ҳам ишлаган. Шунингдек, «Реал Мадрид», «Манчестер Юнайтед» (ёрдамчи мураббий), «Нагоя Грампус» ва «Спортинг» сингари клубларда фаолият юритган.