Юз учун алоэ шарбати
Шифокор Шерали Суннатуллаев:
– Дорихонадан ёки гул дўконидан алоэ ўсимлигини харид қилинг. Ўсимлик баргидан бир донасини узиб, шарбатини ажратинг. Пахтали тампонни алоэ шарбатида намлаб, юз терисини айлана ҳаракатлар ёрдамида артинг. 10 дақиқадан сўнг илиқ сувда чайинг. Муолажани бир ҳафтада 2-3 марта такрорлаб борсангиз, тери катаклари кирланмайди.
– Турли кремлардан фойдаланишдан аввал таркибига аҳамият беринг. Йўриқномасида албатта қайси ёшга мўлжалланганлиги кўрсатилган бўлади.
– Таомномага диққат қилинг! Фойдали озуқа сабаб ички аъзоларда муаммо бўлмаса, юз териси ҳам меъёрда бўлади. Асосийси газланган ичимликларни танламаслик.
– Ҳар куни кечки маҳал юз терингизни илиқ сувда чайиб, бармоқ ёрдамида юз соҳаларини енгил массаж қилинг. Бу юз терисида қон айланишини яхшилайди.
«Соғлом ҳаёт»