Никола Лазаревич: "Ўзбекистон кубоги мусобақасида фақат ғолибликни мақсад қилганмиз" — Бизга қўшилинг: ???? https://t.me/joinchat/AAAAADwt0NGCRoONT4f1_Q

Ўзбекистон кубоги мусобақасининг гуруҳ босқичи 1-туридан ўрин олган "Қизилқум" - "Навбаҳор" (0:2) учрашувидан сўнг мезбонлар бош мураббийи Никола Лазаревич матбуот анжуманида иштирок этди. Ўйин ҳақида - Бугун кучли рақиб билан ўйнадик. "Навбаҳор" номдор жамоа ва таркибида маҳоратли футболчилар жам бўлган. Қийин ўйин бўлди. Вазиятлар яратдик, лекин фойдалана олмадик. "Навбаҳор"ни ғалаба билан табриклайман. - Айни дамда Қизилқум" Суперлигада пешқадамлик қилмоқда. Лекин бугун жамоанинг ўйини у қадар чиқмади. Буни қандай изоҳлайсиз? - Тўғри, бугун ютқаздик. Айтиб ўтганимдек, "Навбаҳор" оддий жамоа эмас. Улар бугун жуда кучли ўйин намойиш этишди. Ўз имкониятларимиздан фойдалана олмай мағлубиятга учрадик. Хато ва камчиликлар устида ишлашда давом этамиз. - Кубок мусобақасидаги мақсад қандай? - Ўзбекистон кубоги мусобақасида фақат ва фақат ғолибликни мақсад қилганмиз.