«МЕЗИМ»ДАН АФЗАЛ ЯЛПИЗ
Ҳозир кўпчилик овқат ҳазми қийин бўлса, фестал, мезим каби дориларни ичишга одатланишган. Аммо тажрибам давомида бу мақсадда ялпизни қўллашдан афзали йўқ, деган хулосага келганман.
Бунинг учун ариқ ёқаларида ўсадиган 1,5-2 см бўй олган ялпизни териб оламан. Овқатлангач, ювилган ялпиз япроқларини чайнаб ейман. Қарабсизки, зарда қайнаши ҳам, қориндаги оғирлик ҳисси ҳам бирпасда йўқолади.
Қиш пайтлари эса, баҳорда териб, қуритиб, янчиб ғамлаб олинган ялпизлар менга қўл келади. Аммо ялпиз тарвақайлаб, бўй олгандан сўнг шифобахшлигини анча йўқотади. Айтганча, шифобахш ялпизни чайнаб, оғизда бироз ушлаб турилса, нохуш ҳидларни йўқотиб, нафасни хушбўй қилади.
SoglomHayot