Тахмина Икромова жаҳон кубогини қўлга киритди
Тошкент мезбонлик қилган бадиий гимнастика бўйича Жаҳон кубогининг иккинчи босқичи ўз якунига етди.
15 мамлакат вакиллари иштирок этган беллашувларда Ўзбекистон терма жамоаси фаолиятида янги саҳифа очилди.
Дастлаб кўпкураш дастурида тенгсиз бўлган ёш гимнастикачи Тахмина Икромова ҳалқа ва булава машқларида олтин, тасмада эса бронза медалини қўлга киритди. Шу тариқа, Икромованинг ўзи ушбу мусобақада 3 та олтин ва 1 та бронза медалига сазовор бўлди.
Ўзбекистон Миллий Олимпия Қўмитаси буни қайд этмоқда.
Таъкидланишича, Раъно Муҳамедова ҳамда Нилуфар Шомуродова қўл остида шуғулланаётган қизлар дастлаб кўпкураш дастурида, сўнг 5 ҳалқа машқида кумуш, 3 тасма ва 2 тўп дастурида эса олтин медал билан тақдирланишди.
Шу тариқа, мазкур босқичда Ўзбекистон терма жамоаси 4 та олтин, 2 та кумуш ҳамда 1 та бронза медали билан умумжамоа ҳисобида биринчи ўринни қўлга киритди.
Эслатиб ўтамиз, бир муддат аввал. Икромова Жаҳон кубогини олтин медаль билан бошлагани, шунингдек, Ўзбекистонлик гимнастикачилар гуруҳ машқида кумуш медалга сазовор бўлгани ҳақида маълумот берган эдик.
olympic.uz