Тошкент шаҳар Ички ишлар бош бошқармасининг патруль-пост хизматидаги мавжуд бўш сафдорлик лавозимларига ички ишлар органларида хизмат ўташ истагини билдирган эркак номзодлар учун танлов эълон қилинган. Танловда иштирок этиш истагини билдирган (эркак) шахслар 2022 йилнинг 30 майидан 3 июнига қадар ҳар куни соат 09:00дан 17:00гача Бош бошқарма Маънавий-маърифий ишлар ва кадрлар билан таъминлаш хизматига мурожаат этишлари мумкин. Номзодларга қуйидаги талаблар қўйилади: Ўзбекистон фуқароси бўлиши; олий ёки тугалланмаган (сиртқи таълим) олий маълумотга эга бўлиши; идоравий (ИИВнинг) академик лицейлар, ҳарбий-академик лицейлар битирувчилари, профилактика инспекторининг жамоат тартибини сақлаш бўйича ёрдамчиларига ўрта, ўрта-махсус маълумотга эга бўлиши; ёши 30 дан ошмаган бўлиши (30 ёшдаги ҳам); бўйи 170 см ва ундан юқори бўлиши; номзодлар Қуролли Кучлар сафида муддатли ҳарбий хизматни ёки сафарбарлик чақируви резервидаги ҳарбий хизматни ўтаган бўлиши лозим. Белгиланган муддатдан олдин ва кейин мурожаат этган номзодлар рўйхатига киритилмаслиги айтилган.