Баҳодир Жалолов Бивол - Канело жангида кимга мухлислик қилишини айтди — Бизга қўшилинг: ???? https://t.me/joinchat/AAAAADwt0NGCRoONT4f1_Q

7 май куни (бизнинг вақт билан 8 май тонгида) АҚШда катта бокс оқшоми ташкил этилади. Кечанинг марказий жангида россиялик Дмитрий Бивол мексикалик Сауль Альваресга қарши рингга кўтарилади. Olamsport.com сайти мухбири ушбу жанг олдидан Олимпия ўйинлари чемпиони Баҳодир Жалоловнинг фикрлари билан қизиқди. "Бивол ва Канело ўртасидаги жангда Дмитрийга мухлислик қиламан. Тўғри, Сауль Альварес жуда тажрибали, кучли боксчи. Бироқ, агар Бивол масофада яхши ҳаракат қилиб, оёқда яхши ишласа, рақибни ўзига яқинлаштирмаса юта олади. Агар яқин масофада жанг бўлса Бивол қийналиши мумкин. Агар Дмитрий 12 раунд оёқда яхши ишласа, Канелога қийин бўлади. Лекин бу бокс, бу ерда биргина зарба барчасини ҳал қилиши мумкин. Чунки, Канело оддий боксчи эмас. Ўзим Биволга мухлислик қиламан, чунки у жамоадошим. Жанг қилиш услуби ҳам, оёқ ҳаракатлари ҳам яхши. Аммо барибир жангнинг якуний натижаси ҳақида аниқ тахмин айта олмайман. Лекин, Бивол ютса яхши бўларди", - деди Баҳодир Жалолов.