Миржалол Қосимов: "Ирода кўрсатдик, шогирдларим шунга яраша меҳнат қилишди" — Бизга қўшилинг: ???? https://t.me/joinchat/AAAAADwt0NGCRoONT4f1_Q
Суперлига 7-туридан ўрин олган АГМК – "Сўғдиёна" (3:2) учрашувидан сўнг мезбонлар устози Миржалол Қосимов фикрлари билан ўртоқлашди. - Ўйин ҳақида - Ўйин жуда ҳам қизиқарли кечди. "Сўғдиёна" бежиз биринчи ўринда кетмаётганди, ёмон ўйин кўрсатмаяпти. Тўғриси, бугун кўп гол бўлади деб ўйламагандим. Йигитларга раҳмат айтмоқчиман. Чунки сермазмун, мухлисларбоп ўйин намойиш қилишди. Ирода кўрсатдик, шогирдларим шунга яраша меҳнат қилишди. Санжар Турсуновга тезроқ соғайиб кетишини тилаб қоламан. Шунингдек, жамоамиз номидан мухлисларга миннатдорчилик билдираман. - Санжар Турсуновнинг ҳолати қандай? - Яхши эмас. Бош мия чайқалиши рўй берди, шекилли. Тиббий текширувдан кейин маълум бўлади. - "Сўғдиёна" фаол ўйин намойиш қилди. Бақоев кутилмаган нимадир таклиф қила олдими? - Ҳа. Олдинги ўйинларини кўриб чиққандик. Сўғдиёна" 4-2-3-1 тактик схемаси асосида ўйнаётганди. Бироқ бугун 5 та ҳимоячи билан ҳаракат қилди. Дилшод Аҳмадалиевга кўп дакки бердим, чунки бундай схемада бошқача ҳаракат қилиши лозим. - АГМК мавсум бошида оғир ўйинларни ўтказди. Ҳозирги вақтга келиб жамоа ўйини анча яхшиланиб қолди. Бунга ниманинг эвазига эришилди? - Йўқ. Бу жароҳатлар ва карточкалар кўпайиб кетиши оқибатида бўлганди. Ҳозир мана Худога шукрки, секин-аста ҳамма сафга қайтиб бормоқда. - Олдинда яна бир жиддий рақиб – "Қизилқум" жамоаси кутмоқда. Нималарни кутяпсиз? - Биласизми, ҳозир ўзи осон ўйиннинг ўзи йўқ. Ҳар бир клуб охиригача курашмоқда. Шунинг учун осон бўлмайди. Яхши тайёргарлик кўришимиз керак, ҳаммаси ўз қўлимизда. - Италиялик афсоналарга қарши ўйинда иштирок этасизми? - Йўқ. Биз ўйнаб бўлганмиз. Бутун эътиборимиз бугунги баҳсга қаратилганди.