Болливуд юлдузларининг кинога кириб келаётган фарзанд ва неваралари (фото) — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: Bollywoodtime Сара Али Хон, Ананя Пандей ва Жанви Капур муваффақиятга эришганидан сўнг, кино ихлосмандлар яна янги бўлажак юлдузларнинг дебютларини интиқлик билан кутмоқда. Bollywoodtime нашри яқин орада бир қанча машҳурларнинг фарзандлари фильмларда суратга тушишини маълум қилди. Суҳана Хон — Шоҳрух Хоннинг қизи Фото: Bollywoodtime Суҳана Хон Болливуд қироли Шоҳрух Хоннинг қизи. У тез орада намойиш этилиши кутилаётган Болливуднинг машҳур режиссёрларидан бири Зоя Ахтарнинг «Арчи» номли лойиҳасида дебют ролини ижро этди. Ёш актриса ўзига хос либослари ва суратларини миллионлаб кузатувчилари билан бўлишиб, аллақачон ижтимоий тармоқларда машҳурликка эришган. Суҳана Хон аввалроқ Теодор Гименонинг «Кул ранг — кўкнинг бир қисми» номли қисқа метражли фильмда ҳам иштирок этган. Кхуши Капур — Шридевининг қизи Фото: Bollywoodtime Болливуд оламида юксак чўққиларни забт этган марҳум актриса Шридеви ва продюсер Бони Капурнинг кенжа қизи Кхуши Капур Шоҳрух Хоннинг қизи Суҳана билан бирга бир фильмда иштирок этмоқда. Унинг опаси Жанви эса ҳозирда Болливуднинг машҳур актрисаларидан бирига айланиб улгурган. Тобора машҳур бўлиб бораётган опа-сингиллар тез орада катта экранларда ижод қилишни бошлайди. Агстя Нанда — Амитабҳ Баччаннинг набираси Фото: Bollywoodtime Болливуднинг афсонавий актёрларидан бири Амитабҳ Баччан ва Раж Капурнинг набираси Агастя Нанда ҳам «Арчи» сериалида рол ўйнамоқда. Режиссёр Зоя Ахтар бир вақтнинг ўзида учта машҳурнинг фарзандларини катта экранларга олиб чиқишни режалаштирган. Ражвир Деол — Санни Деолнинг ўғли Фото: Bollywoodtime Санни Деолнинг кенжа ўғли ва Дҳармендранинг набираси Ражвир Деол таниқли режиссёр Сураж Баржатиянинг ўғли Авниш Баржатия бошчилигидаги Rajshri Productions томонидан тақдим этилиши кутилаётган фильмда иштирок этади. Палома Taкерия — Пунам Диллоннинг қизи Фото: Bollywoodtime Ражвир билан биргаликда актриса Пунам Диллоннинг қизи Палома Taкерия биринчи марта катта экранга чиқади. Фильмнинг суратга олиш ишлари 2022 йилнинг июль ойида Мумбай шаҳрида бошланади. Анжини Дҳаван — Варун Дҳаваннинг жияни Фото: Bollywoodtime Болливуднинг яна бир муваффаққиятга эришган актрисаларидан бири Варун Дҳаваннинг жияни Анжини Дҳаванини Каран Жоҳар шогирдликка олган. У бундан 10 йил олдин Варун Дҳаванни актёр сифатида «Йил талабаси» фильми орқали мухлисларга таништирган. Актриса ҳозирда рақсга тушиш, акробатика ва актёрлик маҳоратида сабоқ олмоқда. Унга шу вақтга қадар бир нечта лойиҳалардан таклифлар берилган, бироқ актрисага сценарий маъқул келмагани учун уларни рад этган. Ҳозирда эса унинг иштирокидаги Каран Жоҳарнинг янги лойиҳаси намойиш этилиши кутилмоқда. Ализе Агнихотри — Салмон Хоннинг жияни Фото: Bollywoodtime Болливуд юлдузи Салмон Хоннинг жияни ҳам тез орада кинодаги фаолиятини бошлайди. Бу хабарни Салмон Хон ҳам тасдиқлаган. Ализе актёр ва продюсер Атул Агнитхори ва Салмон Хоннинг синглиси Алвира Хоннинг қизи. Ализе амакиси Сарож Хон билан биргаликда рақс тушишни ўрганган ва унинг продюсерлиги остидаги фильмда суратга тушиши кутилмоқда. Шания Капур — Санжай Капурнинг қизи Фото: Bollywoodtime Актёр Санжай Капурнинг қизи ҳам Каран Жоҳар продюсерлигидаги фильмда иштирок этиши кутилмоқда. Каран Жоҳар Болливуднинг машҳур юлдузларининг фарзандларини фильмларда бирга иштирок этишини таъминлаши билан ҳам шуҳрат қозонган. Шания аввалроқ Жавҳи Капур иштирокидаги 2020 йилда суратга олинган «Учувчи Гунжан Саксена» биографик фильмида иш олиб борди. Яъни у режиссёр ёрдамчиси сифатида ишлади. Энди эса «Бадринатҳ келини» ва «Юрак уриши» фильмлари билан танилган режиссёр Шашанк Хайтаннинг «Довюраклик» номли романтика йўналишидаги мелодрамада суратга тушмоқда. Кўплаб реклама роликларида суратга тушган актрисанинг мухлислари унинг кинодаги дебютига катта қизиқиш билдиряпти. Намаши Чакраборти — Митхун Чакрабортининг ўғли Фото: Bollywoodtime Митхун Чакрабортининг кенжа ўғли Намаши Чакраборти Болливуддаги илк дебютини Ражкумар Сантошининг «Ёмон йигит» фильми билан бошламоқда. Актёр фильмда продюсер Сажид Курешининг қизи Амрин билан бирга роль ижро этади. Амрин — Сажид Курешининг қизи Фото: Bollywoodtime Романтик комедия 2020 йилда катта экранларга чиқиши керак эди, бироқ пандемия туфайли уни кейинга қолдиришга тўғри келди. Актриса яқинда Instagram’даги жонли эфирида фильм 2022 йил июль ойида чиқиши режалаштирилаётганини маълум қилди. Бобил Хон — Ирфон Хоннинг ўғли Фото: Bollywoodtime Марҳум актёр Ирфон Хоннинг ўғли Бобил Хон ҳам Болливуддаги фильмларда дебютини бошламоқда. Актриса Трипти Димри ҳам иштирок этаётган фильмга Анушка Шарманинг укаси Карнеш Шарма продюсерлик қилган. Лойиҳа «Қалъа» деб аталади. Карнеш интервьюсида Бобилни мақтаб, унинг актёрлик услуби ва камера қаршисида ўзини эркин тутиши худди отасига ўхшаб кетишини айтган. Палак Тивари — Швета Тиварининг қизи Фото: Bollywoodtime Палак — таниқли актриса Швета Тиварининг қизи. 2021 йил у панжоблик қўшиқчи Харди Сандхунинг клипида суратга тушган ва бу томошабинлар томонидан жуда яхши қабул қилинган. Палак Болливуддаги дебютини «Вишал Ранжан Мишра» фильми режиссёри Рози билан бошлаган. Фильм 2021 йилнинг октябрь ойида чиқиши керак эди, аммо номаълум сабабларга кўра кечиктирилди.