Қашқадарёда эшак сўйганлар ҳақида хабар берган мурожаатчи аёл калтаклаб кетилди
Қашқадарё вилояти, Ғузор тумани Абдуҳамид қишлоғидаги хонадонда эшак сўйилаётгани ҳақида хабар қилган мурожаатчи аёл калтакланди. Бу ҳақда «Nasafnews” хабар берди.
Аёлнинг сўзларига кўра, воқеа қўшнисининг эшак сўйгани ҳақида ОАВга хабар қилганидан сўнг содир бўлган. Таъкидланишича, эшак сўйгани айтилаётган хонадон бекаси Ш. А уриб, тан жароҳати етказган. Бошқа қўшнилар икки қўшнининг жанжалини тўхтатиб қолишган. Маълум бўлишича, айни вақтда калтакланган мурожаатчи шифохонада даволанмоқда.
«Жуда хавотирдаман. Уйда фарзандларим бор. Уларни ҳам уриб кетишларидан қўрқяпман», – дейди у.
Маълумот учун, Ғузор тумани ҳокимлиги калтакланган аёлнинг мурожаатини назоратга олган.