Америка компанияси Роскосмосга бир ойлик кечикиш билан рублда тўлаган
Американинг Ахиом компанияси Роскосмосга NASA астронавти Марк Ванде Хейнинг Россиянинг «Союз» космик кемасида парвози учун бир ойлик кечикиш билан рублда тўлаган. Бу ҳақда «Роскосмос» давлат корпорацияси бош директори Дмитрий Рогозин маълум қилди, унинг сўзларидан ТАСС иқтибос келтирмоқда.
«Улар роппа-роса бир ой кечикишди. Тўлов кечикди, аммо шунга қарамай маблағлар тўлиқ келди», — деди Рогозин.
Унга кўра, ўтказма рублда амалга оширилган. «Биз фақат рублда олишга келишиб олдик», – дея тасдиқлади давлат корпорацияси раҳбари.
Апрель ойида Рогозин NASA астронавт Марк Ванде Хейнинг парвози учун давлат корпорациясига ҳали ҳам пул тўламаганини айтди. Американинг Ахиом компанияси Россия томонига 2 миллиард рубль тўлаши керак.