Сенегал президенти Макрон билан яккама-якка гаплашди
Сенегал президенти Макки Салл Франция президенти Эммануэл Макрон билан яккама-якка учрашув ўтказди. Учрашувда Макрон Малидаги хунтага босим ўтказишда давом этишни талаб қилди.
Иқтисодий Ҳамкорлик ва Тараққиёт Ташкилоти томонидан ташкил этилган Африка Форумига қатнашиш учун Парижга борган Салл Елисей саройида француз ҳамкасби Макрон билан музокара олиб борди.
Матбуотга ёпиқ ўтказилган учрашувдан сўнг Елисей саройидан берилган ёзма баёнотга кўра, икки раҳбар Малида фаолият юритган Рус хусусий ҳарбий ширкати Вагнер томонидан баъзи этник гуруҳларга қарши содир этилган жиноятлардан хавотирда эканликларини билдирди.
Учрашувда Макрон Малидаги ҳарбий хунтага босим ўтказишда давом этишни талаб қилди. Африка Иттифоқининг ҳам раиси бўлган Салл Вагнер жангарилари Мали режимининг ҳимоячиси эканини таъкидлади.
Малида дастлаб 2020 йил августида, сўнгра 2021 йилнинг май ойида давлат тўнтариши уюштирган ҳарбий хунта россиялик ёлланма аскарлар билан ҳамкорликда айбланмоқда.
Бамако маъмурияти айбловларни рад этса-да, Вагнер аъзолари Малида йил бошидан буён бўлганлиги айтилади.
2022 йил 15 май куни Мали G5 Саҳел кучларининг барча органларидан, шу жумладан, қўшма ишчи гуруҳи таркибидан чиқишини эълон қилди.
Нигер, Буркина-Фасо, Мали, Мавритания ва Чаддан ташкил топган G5 Саҳел кучлари 2014 йилда минтақада хавфсизлик, гуманитар ва иқтисодий ҳамкорликни мустаҳкамлаш мақсадида ташкил этилганди.