Го Оива: "Ўзбекистоннинг бир киши кам бўлиб кўрсатган ўйини жамоа қандай кучга эга эканлигини кўрсатиб турибди" — Бизга қўшилинг: ???? https://t.me/joinchat/AAAAADwt0NGCRoONT4f1_Q
U-23 Осиё кубоги чорак финалидан ўрин олган Жанубий Корея U-23 - Япония U-23 (0:3) учрашувидан сўнг матбуот анжумани ўтказилди. Унда японияликлар устози Го Оива фикрларини билдириб ўтди. - Бугун унчалик ҳам кўп имконият яратмаган бўлсангиз ҳам учта гол урдингиз. Шу ҳақида гапирсангиз? - Албатта, бу ажойиб бўлди. Биз ўйинга яхши тайёрлангандик. Футболчилар ҳам майдонда ажойиб ҳаракат қилишди. Ўйин ҳам биз учун омадли кечди. - Ўзбекистонга қарши ўйин ҳақида гапирсангиз. Ярим финал учрашувига мухлислар киритилмаслиги ҳақидаги хабарлар ҳам тарқалди... - Мухлислар борасидаги янгиликдан хабарим йўқ. Биз бу ҳақида ҳали ўйлаб кўрмадик. Шу сабабли бу мавзу ҳақида бир нарса дея олмайман. - Бугунги ўйиндаги ғалабага қандай омиллар сабаб бўлди? - Бугун агрессив ўйин кўрсатишга ҳаракат қилдик. Ўйинчиларим нима қилиш кераклигини тўлиқ тушуниб ўйнашди. Учта гол киритдик ва бирорта ҳам тўп ўтказиб юбормадик. Бу эса жуда яхши натижа. - Ўйинчига савол. Бугун иккита гол киритишга эришдингиз. Шу ҳақида фикрингиз... - Бундан жуда бахтлиман. Иккита гол ва битта ассист. Аммо мен ҳар доим жамоа манфаатини юқори қўяман. Биринчи навбатда жамоамга фойдам тегиши керак. - Бош мураббий ва ўйинчига савол. Ўзбекистонга қарши ўйин ҳақидаги фикрингиз. Бу жамоа ўйинларини кузатдингизми? Ушбу ўйиндаги имкониятларингиз қандай? - Ўзбекистон U-23 терма жамоасининг кечаги ўйинини кўрдим. Ўзбекистоннинг бир киши кам бўлиб кўрсатган ўйини жамоа қандай кучга эга эканлигини кўрсатиб турибди. Ўйинчиларнинг техникаси, тезлиги шунчаки ажойиб. Шу жиҳатдан ҳам биз эҳтиёт бўлишимиз керак. Биз ҳозир ишни биринчи навбатда тикланишдан бошлашимиз керак. Ўзбекистон жамоаси ўйинини ўрганамиз ва анализ қилиш ҳам энг муҳим ишлардан бири. - Ушбу саволга ўйинчининг жавоби қандай? - Бу менинг Осиё қитъасидаги биринчи мусобақам. Бугунги ўйинга қадар фақат Корея ҳақида ўйладим. Ўзбекистон ҳақида аниқ билмайман. Аммо уларнинг ярим финалга етиб келганликлари Ўзбекистон қандай жамоа эканлигини англатади. - Ушбу ўйиндаги имкониятларингиз қандай? - Муҳим ўйин. Қийин бўлиши аниқ. Аммо биз ҳар бир ўйинда ўз ўйинимизни ривожлантириб бормоқдамиз. Ҳозир қилинадиган биринчи иш бу ўз ўйинимизни кўрсатиш.