Хитой Ойда сув борлигини тасдиқлади

Хитойлик олимлар Chang’e-5 асбоби ёрдамида Ойда тўпланган жинсларда H2O (сув) топилганлигини эълон қилишди.

Сўнгги йилларда коинотни ўзлаштиришда АҚШ билан жиддий рақобатга киришган Хитой фазодаги тадқиқотларини жадал суръатда давом эттирмоқда.

Хитой фазогирлари 2019 йил 2 январь куни биз Ердан кўра олмайдиган Chang’e-4 космик кемасини Ойнинг нариги томонига қўндирганди. Кейинроқ эса улар Chang’e-5 воситасини ишга туширди ва Ой юзасидан намуналар йиғишга муваффақ бўлди.

Хитойнинг Chang’e-5 разведка фазо кемаси икки йил аввал Ерга Ойдан тўпланган тупроқ ва тош намуналарини юборган ва илмий тадқиқотларини давом эттираётган эди.

Хитойлик олимларнинг баёнотига кўра, синовларда Chang’e-5 томонидан тўпланган тошларда сув бўлиши мумкинлиги ҳақидаги тахминлар тасдиқланган.

Телескоп ва сунъий йўлдош кузатувлари узоқ вақтдан бери олимларни Ойдаги тоғ жинсларида гидроксил ёки Н2О кўринишида сув борлигига шубҳа қилишларига олиб келганди.

Олимлар Ойга яшашни истаётган бўлажак астронавтлар атроф-муҳитдан ўзлари учун сув ва соф кислород ишлаб чиқариш имкониятига эга бўлишига умид қилмоқда.