Шавкат Раҳмонов Ҳамзат Чимаев билан қачон жанг қилмоқчи? — Бизга қўшилинг: ???? https://t.me/joinchat/AAAAADwt0NGCRoONT4f1_Q
Хабарингиз бор, куни кеча "UFC Vegas 57" турнири бўлиб ўтди. Мазкур жанг кечасининг иккинчи марказий жангида асли Ўзбекистонда таваллуд топган, қозоғистонлик Шавкат Раҳмонов (16-0) АҚШ вакили Нил Магни (26-9) билан тўқнаш келди ва хеч қандай қийинчиликсиз муддатидан аввал муваффақият қозонган эди. Аввалроқ, Шавкат Раҳмонов ҳақида ушбу дивизионнинг юлдузларидан бири Хамзат Чимаев (11-0) фикр билдирганди ва бу анчагина шов-шувга сабаб бўлган эди. Кечаги ғалабадан сўнг, Раҳмонов Чимаевни жангга чорлашини кўпчилик кутган эди. Бироқ, қозоғистонлик жангчи Стивен Томпсон кейинги рақиби бўлишини истаган эди. "Нега Чимаевни чақирмадим? Вақти-соати келади. Битта ёки иккита жангдан кейин биз тўқнаш келамиз. Камар учун жанг қилишимиз ҳам мумкин. Агар, Камару Усман кетса, аъло иш бўларди, ҳар иккимиз учун ҳам. Жангни эса аста-секин ривожлантириш керак. Интрига ошиб бораверади", - деди Раҳмонов.