Майиз мияга дам беради
Шифокор Лайло Бахтиёрова:
Майиз жуда калорияга бой маҳсулот бўлиб, ундан камқонлик, қувватсизлик, иммунитет пасайиши ва асаблар таранглашувида фойдаланилади.
Янги узилган узумга нисбатан майизнинг шифобахшлиги янада кучлироқ бўлади.
Оқ узум майизи асаб толаларини мустаҳкамлаб, ичакларни токсин ва инфекциялардан тозаласа, қора узум майизи эса асаби таранглар учун энг фойдали дармондори, яъни асабни тинчлантириб, чарчоқни олади.
Мунтазам майиз истеъмол қилиш оғиз бўшлиғи касалликларида ҳам асқатиши мумкин. Майиз суви эса милк шамоллаши, стоматит яралари ҳамда йўталда фойдали.