Россиядан Ўзбекистон бизнес рейсларига талаб қарийб беш бараварга ошди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: Марина Молдавская, Коммерсантъ Ўзбекистонга россияликларнинг иш ва бизнес мақсадларидаги парвозлари сони сўнгги олти ой ичида беш баробардан кўпроққа кўпайган. Бу ҳақда «Коммерсантъ» хабар берди. Aviasales фор Business маълумотларига кўра, қўшни давлатлар — Қозоғистон (444 фоизга), Ўзбекистон (379 фоизга), Беларусь (353 фоизга)да бизнесни брон қилиш сони фаол ўсмоқда. Шунингдек, Арманистон, Озарбайжон ва Туркияга бундай буюртмалар тахминан 2,5 баробарга, БААда эса 118 фоизга ошган. Исроилга брон қилиш ҳажми 2022 йил бошидан буён ўтган йилнинг шу даврига нисбатан 743 фоизга ошган. Ҳозирда «Аэроклуб» бизнес ҳамкорлари учун энг машҳур мамлакатлар — Қозоғистон, Туркия, БАА, Ўзбекистон, Арманистон, Беларусь, Франция, Исроил, Озарбайжон ва Италия (транзит рейслар орқали). «Бизнес вакиллари ўртасида хорижий рейсларга бўлган талаб ўтган йилга нисбатан икки баравар ошди», –- дейди «Аэроклуб» бошқарувчи директори Юлия Липатова. Infoline маълумотларига кўра, хорижга саёҳатларнинг аксарияти энди шартли равишда «мажбурий» бўлиб қолган, яъни ҳақиқий бизнес мақсадларисиз амалга оширилмоқда. Экспертга кўра, тадбиркорларнинг бир марталик валюта ўтказмалари билан боғлиқ муаммоларни ҳал қилишга уринишлари сабаб бундай бизнес рейсларга талаб ошмоқда.