"Металлург" рақибларини йирик ҳисобда мағлуб этишда давом этяпти — Бизга қўшилинг: ???? https://t.me/joinchat/AAAAADwt0NGCRoONT4f1_Q
Бугун “Металлург” клуби Тожикистонда “Хўжанд”га қарши назорат учрашувини ўтказди. Голларга бой ўтган беллашувда бекободликлар рақиб устидан 1:5 ҳисобида йирик ғалабага эришди. Аввалига “Хўжанд” футболчиси Илья Кожухарь томонидан ҳисоб очилганди. Шундан кейин “Металлург” беш бор жавоб қайтарди. Бобур Фарҳодов иккита гол уриб дублни расмийлаштириб қўйди. Шунингдек, Беҳруз Шодмонов, Бектемир Абдуманнонов ва Анвар Ғофуров ҳам ўз ҳисобларига биттадан гол ёзиб қўйишди. Шу тариқа, “Металлург” ўртоқлик ўйинларида рақибларини йирик ҳисобда енгишда давом этяпти. Эслатиб ўтамиз, ўтган сафар Бекободда “Андижон” 4:1 ҳисобида мағлуб этилганди.