Англия футбол клуби мусулмон мухлислар учун намозхона ташкил қилиб берди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Инглиз клублари лига тизимининг иккинчи тоифаси бўлган EFL чемпионатининг (чемпионшип) янги мавсумини бошлар экан, Блэкберн Роверс стадионда ўйинларга ташриф буюрадиган мусулмон мухлислар учун махсус намозхоналар очилишини эълон қилди. Бу хабар чоршанба куни Карабао кубоги доирасида "Хартлпул Юнайтед"га қарши мавсумнинг биринчи кечаси ўйини олдидан эълон қилинди. “Ушбу чоршанба куни Хартлпул Юнайтет жамоасига қарши уй ўйинимизга ташриф буюрадиган мусулмон мухлислар! Биз тушунамизки, сиз соат 20:55 да шом намозини ўқишингиз керак. Илтимос, стюарддан йўл-йўриқ сўранг, чунки биз намоз ўқишларинг учун алоҳида жой тайёрлаб қўйганмиз”, деб ёзди Блекберн Роверс ўзининг Тwitter’даги расмий саҳифасида. Клубнинг бу ҳаракати ижтимоий тармоқларда кўпчиликнинг олқишига сазовор бўлди. Эслатиб ўтамиз, ушбу учрашувда мезбонлар 4:0 ҳисобида ғалаба қозонди.