Лимоннинг шифобахш хусусиятлари
Бронхитда – 5 дона пиёзни майда тўғраб ёки қирғичдан ўтказиб, 7 ош қошиқ асал солинг. 1 дона лимонни ҳам гўштқиймалагичдан ўтказиб, ҳамма масаллиқларни аралаштиринг. Кунига 2-3 чой қошиқдан 3-4 маҳал, 10-14 кун давомида қабул қилинг.
Ангинада – 1 кг лимонни пўстидан тозалаб, шарбатини чиқаринг. Лимон шарбати ўз ҳолича жуда қуюқ бўлгани учун, уни маъданли сув билан 1:1 ёки 1:2 нисбатда суюлтиринг. Сўнг сув ўрнида ангинани даволаш ёки олдини олиш учун ичиб турасиз.
Артритда – лимонни тенг икки қисмга бўлиб, шарбатини сиқиб олиб, 1 кунда 2 марта бўғимлар юзасига суртинг. Терига сингиб кетгунича ҳаракатланманг.
Гипертонияда ( қон босими ошиши ) – бир коса қайноқ сувга 1 дона лимонни тўғраб, 1 ош қошиқ асал солинг. 4-5 соат тиндириб ичиш қон босимини туширади.
«Соғлом ҳаёт»