Қуйичирчиқдаги ёш оилаларга бахт қуши қайтмоқда — Бизга қўшилинг: ???? https://t.me/joinchat/AAAAADwt0NGCRoONT4f1_Q
Мажбурий ижро бюросининг Қуйичирчиқ тумани бўлими томонидан жорий йилнинг август ойида олиб борилган мажбурий ижро ҳаракатлари давомида вояга етмаган моддий таьминотга муҳтож фарзанди учун тўловларни ўз вақтида қилмай, алимент тўловларидан бўйин товлаб келаётган 9 та қарздорларга нисбатан МЖтКнинг 47-4-моддаси 1-қисмига асосан маъмурий баённомалар расмийлаштирилган. Шундан қарздор О.Махамадов суд жараёнида алимент қарздорликни тўлиқ қоплаган. Қолган 8 нафар У.Ярмамбетов, М.Худойбердиев, Р.Давлетбаев, А.Кадиров, М.Канифов, И.Ходжиматов ва ака-ука О.Қурбоналиев ҳамда М.Қурбоналиевлар суд жараёнида алимент қарздорликни тўламаганлиги сабабли, уларга нисбатан 15 сутка маъмурий қамоқ жазоси тайинланган. Шунингдек, бўлим томонидан жорий йилнинг август ойи ҳолатига ижро ҳаракатлари давомида 18 та оила яраштиришга эришилган ва ижро ҳужжати тамомланган.