“Пари НН” устози: “Йўлдошев ҳужумкорликни кучайтирди” — Бизга қўшилинг: ???? https://t.me/joinchat/AAAAADwt0NGCRoONT4f1_Q
РПЛ 6-турида “Пари НН” сафарда “Урал”ни енгиб, мавсумдаги илк ғалабасини қўлга киритди. Ўйиндаги ягона голни эса Ибраҳимҳалил Йўлдошев урди. Бу унинг мавсумдаги 6-баҳсдаги 2-голи бўлди. Мазкур учрашувдан кейин меҳмонлар устози Михаил Галактионов ўз фикрлари билан бўлишди. “Албатта, ғалаба энг аввало психологик нуқтаи назардан муҳим. Олдинги ўйинларда сифатли жиҳатларга эга бўлдик, аммо натижа биз кутгандек бўлмади. Бугун эса устунлик гоҳида бизда, гоҳида “Урал”да эди. Вазиятларнинг бирида Никита Гойло (дарвозабон) бизни қутқариб қолди. Четлатишдан кейин ўйин бизнинг назоратимизга ўтди. Қолаверса, режадаги алмаштиришлар ўйинимизни кучайтирди. Жумладан, Йўлдошев ҳужумкорликни кучайтириб, рақиб дарвозасини ишғол этди. Оқибатда ижобий натижага эришдик, бу энг муҳими. Шахсан мен учун Екатеринбург – омадли шаҳар. Бу ерда ёшлар терма жамоаси билан Европа чемпионатига чиққандик ва бугун ҳаммаси кўнгилдагидек бўлди”, дейди мутахассис.