Қуръонни тарихга кўмишни истаган вазирнинг ўлими — Бизга қўшилинг: ???? https://t.me/joinchat/AAAAADwt0NGCRoONT4f1_Q
Бугун Қуръонга тил теккизган ва ўша куниёқ жазосини олган туркиялик бир вазир ҳақида маълумот берамиз. 1929 йил, Туркия. Ўша кунларда Кўнядаги ягона газета бўлмиш «Babalik» газетасининг бош муҳаррири Холуқ Нурбоқий шундай ҳикоя қилади: “Ўша даврдаги Маориф вазирининг биринчи ноибларидан бўлган Мустафо Нажотий Кўняга келиб, лотин ҳарфларининг устунлиги ҳақида маъруза ўқиди. Шаҳар бўйлаб унинг буйруғи билан «Биз Қуръонни эски ҳарфлар билан бирга тарихга кўмдик» деб ёзилган шиорлар осилди ва анжуман эртаси куни соат 10:00 да ўтказилиши айтилди. Кечқурун солиқ тўловчиларнинг зиёфати уюштирилди. Кечки овқатдан сўнг Мустафо Нажотийда тўсатдан аппендикс хуружи пайдо бўлди, у дарҳол касалхонага ётқизилди ва операция қилинди. Ҳолатни тушунтиришга ҳожат йўқ, бутун касалхона оёққа турган эди. Нажотий жаноблари нажот топди, лекин ҳаддидан ўтиб, Қуръонга тил теккизишнинг жавоби борку! Ярим тунда имконсиз дейиш мумкин бўлган воқеа юз берди ва Нажотий жанобларининг каравоти ён темири синиб кетди. Бемор ерга йиқилди ва операция жойи ёрилиб кетди. У эртаси куни соат 10:00 да, конференция бўлиб ўтаётган бир вақтда вафот этди". Қуръонни “кўмиш” ҳақида гапирган Мустафо Нажотий Истиқлол маҳкамаси, прокуратура, Тикланиш ва уй-жой коммунал хизмат кўрсатиш ва Адлия вазирлигида ишлаган. Унинг Адлия вазирлида ишлаган пайтида шаръий маҳкамалар ёпилди. Унинг ташаббуси билан кўпгина мадрасаларнинг фаолияти тўхтатилган. У тавҳид тўғрисидаги қонун лойиҳасини тузган ва унинг алифбо алмаштириш ишларида ҳам роли катта бўлган. Абу Акбар тайёрлади