Голливуд юлдузи Бред Питт 20,5 миллион долларни кимларга ва нима учун берди? — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: «Harper’s Bazaar.kz» Голливуд актёри ўзининг Make It Right Foundation жамғармасига миллион долларлик суд даъвоси қўзғатилганида ҳам адолат ва ҳалоллик йўлидан борди. Гап шундаки, 2007 йилда Бред Питт «Катрин» тўфони туфайли уйлари вайрон бўлган одамларга ёрдам бериш мажбуриятини олган эди. Бреднинг ташкилоти авангард услубида 150 та коттеж қуриб, уларнинг ҳар бирини қурбонларга 150 000 доллардан таклиф қилди. Бироқ яхши ниятда бошланган иш кутилганидек якун топмади, деб хабар беради «Harper’s Bazaar.kz». Маълум бўлишича, орадан ўн йил ўтгач, янги уйларнинг аҳолиси бинолар тезда яроқсиз ҳолга келганидан шикоят қила бошлаган: эшиклар қийшайган, деворлар моғор билан босган, кондиционер тизими бутунлай ишдан чиққан. Уйлари аянчли аҳволга тушган одамлар товон пули талаб қила бошлади. Фото: «Harper’s Bazaar.kz» Жамғарма, ўз навбатида, материаллар етказиб берувчиларни айблаб, Луизиана иқлимига мос келмайдиган ёғоч ишлаб чиқарувчиларни судга берди. Бундай қўпол назоратни амалга оширган бош архитектор ва собиқ ижрочи директор номига ҳам даъво аризалари киритилди. Фото: «Harper’s Bazaar.kz» Бред Питт суд жараёнини йиллар давомида чўзилишини истамади ва муаммони тинч йўл билан ҳал қилишга рози бўлди. Унинг жамғармаси 107 нафар коттеж эгасига 25 000 доллардан тўлашга қарор қилди. Сарфланган маблағнинг қолган қисми эса бошқа барча муаммоларни бартараф этишга сарфланади. Фото: «Harper’s Bazaar.kz»