Беларусь лигаси. Абдухолиқов ва Ҳусановнинг голлари «Энергетик-БГУ»га ғалаба олиб келди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: «Энергетик-БГУ» Футбол бўйича Беларусь Олий Лигасининг 21-турида «Энергетик-БГУ» ва «Неман» жамоалари 11 сентябрь, якшанба куни ўзаро тўқнаш келди. Учрашувнинг 38-дақиқасида Бобур Абдухолиқов чиройли голи билан мезбонларни олдинга олиб чиқди. Иккинчи бўлим дебютида меҳмонлар мувозанатни тиклади. Ўйинга қўшиб берилган дақиқаларда Абдухолиқовнинг узатмасидан кейин Абдуқодир Ҳусанов дарвозани ишғол қилган ҳолда «талабалар»га ғалаба келтирди. pic.twitter.com/bqUE3ktMmY — Шухрат Раззаков (@ShuhratRazzakov) September 11, 2022 Шу тариқа «Энергетик-БГУ» очколарини 41 тага етказиб олган ҳолда биринчи ўринга кўтарилди. Абдухолиқов эса голлари сонини 20 тага етказди ва тўпурарлар пойгасида якка пешқадам бўлиб турибди. «Энергетик-БГУ» – «Неман» 2:1 Голлар: 1:0 – 38 Абдухолиқов, 1:1 – 52 Якимов, 2:1 – 90+1 Ҳусанов. «Энергетик-БГУ»: Макавчик, Лукашевич, Свирепа (Чул, 64), Ҳусанов, Макушинский, Пашевич (Турич, 64), Силинский (Омелянчук, 76), Рилач (Агеев, 85), Абдухолиқов, Кокаев, Папарига (Гришенко, 57). «Неман»: Василючек, Легчилин, Карпович, Яблонский (Сакута, 88), Шалашников, Жимо, Якимов, Жуковский (Анюкевич, 83), Савицкий, Павлюковец, Пасевич (Варакса, 46). Огоҳлантиришлар: Шалашников (5), Яблонский (34), Пашевич (45).