Ўзбекистон аҳолисининг қанчаси меҳнатга лаёқатли ёшда экани маълум қилинди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Давлат статистика қўмитаси маълумотларига кўра, 2022 йилнинг январь–июнь ойларида Ўзбекистонда меҳнат ресурслари сони жами 19 миллион 453,3 минг кишини ташкил этди. Кўрсаткич 2021 йилнинг мос даврига нисбатан таққосланганда 0,8 фоизга ошган. 2022 йилнинг январь–июнь ойларида республика ҳудудларида меҳнат ресурслари сони: Қорақалпоғистон – 1 миллион 73,2 минг киши; Андижон – 1 миллион 775,1 минг киши; Бухоро – 1 миллион 72,3 минг киши; Жиззах – 788,9 минг киши; Қашқадарё – 1 миллион 815,8 минг киши; Навоий – 569,3 минг киши; Наманган – 1 миллион 590 минг киши; Самарқанд – 2 миллион 155,7 минг киши; Сурхондарё – 1 миллион 465,8 минг киши; Сирдарё – 486 минг киши; Тошкент – 1 миллион 615 минг киши; Фарғона – 2 миллион 92,3 минг киши; Хоразм – 1 миллион 47,6 минг киши; Тошкент шаҳри – 1 миллион 906,3 минг киши. Маълумот учун, меҳнат ресурслари — мамлакат аҳолисининг меҳнатга лаёқатли ёшдаги қисми, иқтисодий ресурсларнинг таркибий унсури; 16 ёшдан 55 ёшгача бўлган аёллар, 60 ёшгача бўлган эркаклар меҳнат ресурсларига киритилади.