Баҳодир Аҳмедов: "Ҳар бир учрашувда ғалаба учун майдонга тушамиз" — Бизга қўшилинг: ???? https://t.me/joinchat/AAAAADwt0NGCRoONT4f1_Q
Ўзбекистон футзал миллий терма жамоаси бош мураббийи Баҳодир Аҳмедов Осиё Rубоги 1-тур баҳслари олдидан ташкил этилган матбуот анжуманида иштирок этди. "Ҳаммага салом. Худо хоҳласа, Кувайтдаги мусобақа жуда яхши ўтади. Пандемия туфайли бир турнир қолдирилганди. Ўйлайманки, Кувайт мезбонлигидаги Осиё Кубоги ижобий ўтади. 16 та энг кучли жамоа йиғилган. Ҳар бир терма жамоа энг чиройли ўйинини кўрсатишга ҳаракат қилади. Жумладан, Ўзбекистон ҳам энг зўр ўйинини намойиш қилишни ният қилган. Ўзбекистоннинг кучли тўртликка кириши мотивация бермайди, чунки бу Осиё Кубогида энг яхши 16 жамоа тўпланган. Ҳар бир ўйинда қийин бўлади. Лекин шунга қарамасдан, ҳар бир учрашувда ғалаба учун майдонга тушамиз. Ҳар бир жамоа энг юқори ўринни эгаллашни хоҳлайди. Биз ҳам энг яхши натижаларга эришишга интиламиз", – деди Аҳмедов. Эслатиб ўтамиз, Ўзбекистоннинг илк турдаги рақиби Туркманистон бўлади. Ушбу баҳс эртага 13:00 да старт олади.