Япониянинг 8 та сунъий йўлдоши йўқ қилинди
Япониянинг “Epsilon” ракетаси охирги босқични ажратишдаги носозлик туфайли мўлжалланган орбитага чиқа олмади ва бортдаги саккизта сунъий йўлдош билан бирга масофадан йўқ қилинди. Бу ҳақда Япония Аэрокосмик тадқиқотлар агентлиги хабар берди, дея маълум қилмоқда Zamon.uz’ сайти.
Таъкидланишича, носозлик ракета ишга туширилгандан 7 дақиқа ўтиб қайд этилган.
«Айни пайтда муҳандислар унинг юзага келиш сабабларини изламоқда», — дейилади хабарда.
Агентлик режасига кўра, ракета орбитага 7 та инновацион технологияни синовдан ўтказиш учун ишлатилиши керак бўлган 110 кг оғирликдаги RAISE-3 сунъий йўлдошини ва беш кубат (ўта кичик сунъий йўлдош)ни олиб чиқиши керак эди.